Trommelzauber bei uns in da Schui in Lenggries
Des war a Woche, de mir so gschwind nimma vergessen! Beim Trommelzauber is da Jonny extra zu uns nach Lenggries kemma und hat mit uns Kindern richtig Gas geb’n. Sogar da Unterricht is dafür ausgefallen – und des hot si wirklich glohnt 😉
Da Jonny hot mit uns jeden Tag fleißig geübt. A wenn’s zwischendurch ganz schee anstrengend war, hot er uns immer wieder motiviert und Mut gmacht. Er war total nett, hat si Zeit für jeden gnomma und uns des Trommeln so guad erklärt, dass mir Kinder des richtig guad lernen ham können.
Besonders schee war, dass wirklich jedes Kind a eigene Trommel kriagt hot und bei da Aufführung dabei sei durfte. Koana is außen vor blieben – mir warn alle Teil von dem großen Ganzen. Des hot si einfach guad angfühlt.
Die Geschichte, de da Jonny mit uns erzählt hot, war spannend und richtig fesselnd. Mit da Musik dazu war des ganz besonders ergreifend. Bei da Aufführung ham mir richtig gmerkt: Des is koa normale Schulveranstaltung, des war wos ganz Besonderes.
Und dann no des Trommel-Solo vom Jonny – des bleibt uns bestimmt no lang im Gedächtnis! De ganze Schuifamilie war mucksmäuslstill und alle ham gspürt, wia stark Musik sei kann.
Da Trommelzauber war für uns Kinder a riesigs Erlebnis: laut, lebendig, manchmal anstrengend, aber vor allem wunderschön. Vergelt’s Gott, lieber Jonny, dass du da warst – des war einfach spitze! 🥁✨
D‘4d vo da Lenggrieser Grundschui